beshankovichy.by

Информационный портал

Социальные сети:

Новости Бешенковичей Культура

28.07.2017 12:46

124 просмотра

0 комментариев

Знойдзены спосаб спыніць старэнне?

У апошнія гады сярод навукоўцаў зноўку адрадзілася спрэчка пра тое, чым з’яўляецца працэс старэння і смерці людзей і жывёл. Некаторыя біёлагі і эвалюцыяністы лічаць, што гэты працэс не носіць выпадковы характар, і што яго кантралюе своеасаблівая «праграма смерці» — пэўны набор генаў, які прымушае цела старэць і паміраць, саступаючы месца новаму пакаленню сабе падобных.

Навукоўцы з ЗША выявілі ў мозгу мышэй асаблівую групу нервовых клетак, якія кіруюць працай «праграмы старэння». Даследчыкі змаглі запаволіць працэс старэння іх цела, «засеяўшы» гэтую частку мозгу ствалавымі клеткамі, гаворыцца ў артыкуле, апублікаваным у часопісе Nature.

«Мы выявілі, што колькасць ствалавых клетак у гіпаталамусе паступова памяншаецца з цягам часу, і гэта паскарае старэнне. Як аказалася, наступствы гэтага не з’яўляюцца незваротнымі — замяніўшы ствалавыя клеткі або дадаўшы ў мозг малекулы, якія яны вырабляюць, можна не толькі замарудзіць, але і павярнуць назад старэнне некаторых частак цела», — заявіў Дуншэн Цай з Медыцынскага каледжа Альберта Эйнштэйна ў Нью-Ёрку.

Гэтыя вопыты прывялі да неверагодных вынікаў: мышы са знішчанымі клеткамі гіпаталамуса старэлі ў некалькі разоў хутчэй за іх суродзічаў з кантрольнай групы, а грызуны, у мозг якіх біёлагі ўвялі новыя ствалавыя клеткі, наадварот, старэлі прыкметна павольней і пражылі на 19% даўжэй за нармальных мышэй.

Зараз біёлагі спрабуюць зразумець, якія менавіта малекулы запавольваюць старэнне цела, мозгу і іншых органаў мышэй. Іх адкрыццё, як лічаць Цай і яго калегі, стане першым крокам на шляху пошуку «праграмы старэння» і адкрыцця метадаў яе частковага або поўнага адключэння.

http://nn.by/?c=ar&i=194740

Последние новости

Комментарии посетителей

Имя: не обязательно
E-mail: не обязательно
Комментарий:
  • список комментариев пуст