beshankovichy.by

Информационный портал

Социальные сети:

Новости Бешенковичей Культура

06.11.2019 15:46

238 просмотров

0 комментариев

Бешанковіцкі фолк-ансамбль «Званіца» стаў лаўрэтам міжнароднага конкурсу «Смаленскі ражок»

Нягледзячы на юны ўзрост, гэтыя дзяўчынкі закаханыя, прычым у народную песню. Уваходзяць яны ў склад бешанковіцкага фолк-ансамбля «Званіца», які заваяваў прызавое месца на міжнародным конкурсе фальклору і рамёстваў «Смаленскі ражок».

— У складзе ансамбля 13 дзяўчат 10-17 гадоў, — расказала яго кіраўнік Дзіяна Сянкевіч. — У Смаленску мы выступілі з песнямі «Грыбы» з элементамі хіп-хопа, «Каровы» пад акампанемент баянаў, «Чыё гэта поле?» а капэла і атрымалі дыплом другой ступені. Гэта першая наша сур’ёзная ўзнагарода.

Дарэчы, «Званіца» была сабрана ў 2001 годзе. Я сюды прыйшла працаваць у 2017-м пасля вучобы ў Віцебскім каледжы культуры і мастацтваў. Амаль адразу ж ансамбль атрымаў званне народнага з праграмай «Шлях з вараг у грэкі». Яе напісала мастацкі кіраўнік Бешанковіцкага РЦК Вольга Сяргеенка.

— «Званіца» выступае ў жанры фолк, які злучыў традыцыйны музычны фальклор і сучасныя рытмы. У апошнія гады менавіта гэты напрамак становіцца ўсё папулярней, асабліва сярод моладзі, — дадала дырэктар Бешанковіцкага РЦК Ірына Паўлоўская. — Такім чынам мы стараемся данесці да гледача беларускую народную песню.

Фота з адкрытых крыніц.

http://vitvesti.by

Ад рэдакцыі beshankovichy.by. Ля вытокаў фолк-ансамбля «Званіца» ў Бешанковічах стаяла ягоная стваральніца і бяззменая кіраўніца Наталля Бондар, якая кіравала ім больш за 15 гадоў. Сёлета з ёй кантракт не працягнулі... Добра, што яе справа працягваецца.


Последние новости